ias

ვის ისურვებდით ქალაქ თბილისის მერად?

დავით ნარმანია - 30%
ნიკა მელია - 14%
კახა კუკავა - 17%
დიმიტრი ლორთქიფანიძე - 21%
გიორგი გაჩეჩილაძე - 2%
ასმათ ტყაბლაძე - 3%
არცერთს - 10%
სხვა - 3%

Total votes: 100
The voting for this poll has ended on: 17 Jun 2014 - 17:13

დამადლებული გამიჯვნა დიქტატურისგან

არ ვიცი, ამერიკის შეერთებულ შტატებსა თუ ევროპაში განსწავლულ (ძირითადად 1–2 თვიანი ტრენინგების სერტიფიკატების მფლობელ) ნაცმოძრაობის ლიდერებს წაკითხული აქვთ თუ არა სულხან საბა ორბელიანის იგავები, მაგრამ, მათი ქცევიდან გამომდინარე, ეჭვის საბაბი ნამდვილად არსებობს. მაშ ასე:

 

სულხან საბა ორბელიანი – ორმოშიჩაგდებულიმეფე

„ორნი მეფენი შეიბნენ. ერთმან მეფემან მეორესა სძლო, შეიპყრა და ორმოში ჩააგდო. 
გამოხდა ხანი. მოვიდა ერთი მეცნიერი კაცი და ენება აღმოყვანება და გაპარება მისი. ჩასძახა ორმოსა შიგან და უთხრა: კარგად არა ვიქმ, რომ გაგაპაროო? 
მან მეფემან მადლი უბრძანა. 
თოკით ამოზიდნა და ამოიყვანა. 
კიდე ვუთხრა: კარგად არა ვქმენ, რომ ამოგიყვანეო? 
მეფემან კიდევ მადლი უბრძანა. 
მესამედ კიდევ უთხრა: კარგადა ვქმენო? 
ეწყინა მეფესა და დაიძახა: ვინა ხართ, ამ კაცმან გამაპარაო! მოვიდნენ მცველნი, შეიპყრნეს ორნივე. 
ჰკითხეს მეფესა: რად გაამჟღავნე და რად არ გაიპარეო? 
მან თქვა: ვირემ ამომიყვანდა, საყვედურით ამავსო, თუ შინ მიმეწია, კიდეც დამარჩობდა, აქავ ყოფნა ვირჩივეო. 

Read more...

რას ველოდით, რა მივიღეთ, რა ვერ გავითვალისწინეთ

/31.10.2013 დამოუკიდებელ ჟურნალისტთა საერთაშორისო ალიანსი/.  ხვალ არჩევნებია. ხვალ ქვეყანას, სავარაუდოდ, ახალი პრეზიდენტი ეყოლება – გიორგი მარგველაშვილი. დიდ შანსია, რომ ნაციონალური მოძრაობის კანდიდატი სამეულში ვერც კი მოხვდეს. რატომ?  ამაზე სხვა დროს ვისაუბროთ თუ საჭიროება მოითხოვს. ახლა კი გავიხსენოთ თუ რა ვითარებაში მოვიდა წინა ხელისუფლება.

ქვემოთ მოყვანილი მოსაზრებები გამოქვეყნდა დამოუკიდებელ ჟურნალისტთა საერთაშორისო ალიანსის პორტალზე www.caucasus.ge ზუსტად ათი წლის წინ 

2003 წლის 31 ოქტომბერსა და 3 ნოემბერს, ანუ არჩევნებამდე ორი დღით ადრე და არჩევნების მომდევნო დღეს, იმ არჩევნებისა, რომელმაც ვარდების რევოლუციის პროვოცირება მოახდინა.რას ველოდით, რა მივიღეთ და რა ვერ გავითვალისწინეთ.

 

პოლიტიკური იმპოტენცია ანუ ჭარბი ემოციის ზეობა ინტელექტის დეფიციტის პირობებში

/31.10.2003 დამოუკიდებელ ჟურნალისტთა საერთაშორისო ალიანსი/.  დამოუკიდებლობა მსხვერპლს რომ მოითხოვდა, ცხადია, ვიცოდით. ისიც კარგად გვესმოდა, რომ ძალიან გაგვიჭირდებოდა, მაგრამ თუ სამსხვერპლოზე ზნეობას, განათლებას, აზროვნებას, ერის კეთილდღეობას, ქვეყნის მთლიანობას მივიტანდით, მართალი გითხრათ, ვერ წარმოგვედგინა. ვინ იფიქრებდა, რომ თავის მიწა-წყალზე უზომოდ შეყვარებული ქართველი, რომელიც, ალბათ, ერთ კვირაზე მეტს ვერ ძლებდა სამშობლოს გარეშე (საშინელი ნოსტალგია ტანჯავდა ყველგან, სადაც არ უნდა ყოფილიყო), სამუდამოდ თუ არა, ძალიან დიდი ხნით მოსწყდებოდა ქვეყანას (მოსახლეობის თითქმის ერთი მესამედი ხომ უცხოეთშია გადახვეწილი). ვინ იფიქრებდა, რომ თავმოყვარე ქართველი (შესაძლოა ამპარტავანიც კი), რომელიც, ძირითადად, მხოლოდ განათლებასა და ინტელექტტევად სამსახურზე, მაღალ წოდებებსა და თანამდებობებზე ფიქრობდა, ყველაზე დაბალი კვალიფიკაციის, ხშირად უღირს საქმიანობასაც არ ითაკილებდა. ვინ იფიქრებდა, რომ . . 

Read more...
ყველა ხალხი იმსახურებს იმ ხელისუფლებას, რომელიც ჰყავს!
კიდევ ერთხელ საზოგადოებრივი განათლებებისა და სამოქალაქო საზოგადოების არსებობის აუცილებლობის შესახებ
(21.01.2013 “რედაქტორის სვეტი”) „ბავშვი რატომ ტირისო“? – „გასდის და იმიტომო“!  საერთოდ ადამიანი, ბავშვიც და ზრდასრულიც, იქცევა ისე, როგორც ამის ნებას ოჯახი, სასწავლებელი, მეზობლები, მეგობრები, კოლეგები, გარემო აძლევს. ეტყობა გამჩენმა ისე შექმნა სამყარო, რომ ყოველი ცოცხალი არსება, ისიც კი, რომელიც არა ინტელექტით, არამედ ინსტიქტებით იმართება, ანალოგიურად იქცევა.
 
ინგლისური ტოი ტერიერის ჯიშის ერთი წლის ლეკვი მყავს. მშვენიერი თვისებები აქვს, უაღრესად მოყვარული, ცოცხალი და „ჭკვიანი“ არსებაა. ცხადია, სიცელქით, რაღაც „წვრილმან“ დანაშაულსაც სჩადის, რასაც მე გაგებით ვხვდები, მაგრამ ოჯახის ქალბატონები არ პატიობენ და „რბილად“ სჯიან კიდეც. მიუხედავად „ბავშვური“ ასაკისა, იგი მშვენივრად გაერკვა, თუ ვისთან, როგორ უნდა მოიქცეს და იმას, რასაც ჩემი თანდასწრებით აკეთებს (ხან ფეხსაცმელზე თასმას მომაჭამს, ხან პერანგზე ღილს, ხანაც რამე ნივთს გაიტაცებს), ნამდვილად არ ბედავს ოჯახის ქალბატონების თანდასწრებით. უფრო მეტიც, მორიგი „სიცელქის“ შემდეგ, რომელსაც მარტოობაში სჩადის, ჩუმად მოფორთხდება ჩემთან, კალთაში ჩამიჯდება და ცხვირ–პირს იღლიის ქვეშ ჩამიყოფს. ყველა ხვდება, რომ რაღაც დააშავა და იწყებენ მისი ცელქობის შედეგების ძებნას. მაგრამ მას თავი უკვე ქუდში აქვს. აღარ ეშინია – დაცვა გარანტირებულია! ალბათ, ზედმეტად „რბილად“ ვექცევი, ერთგვარად, ვაფუჭებ კიდეც. უფრო მკაცრი, მაგრამ სამართლიანი მოქცევის პირობებში, უფრო გაწონასწორებული და „გონიერი“ იქნებოდა. ვიცი, რომ ვაშავებ, გარკვეულად „ვაფუჭებ“, თუმცა, როდესაც წარმოვიდგენ, რომ არც დედ–მამა ჰყავს, არც და–ძმა, გულწრფელად ვუთანაგრძნობ და ვცდილობ შევუმსუბუქო ცხოვრება.
Read more...

მიმდინარეობს პორტალის www.caucasus.ge მე-5 რედაქციის მომზადება !

ბოლო სამი წლის განმავლობაში კავკაზუს ონლაინის ჰოსტინგზე განთავსებული ჩვენი პორტალი - www.caucasus.ge ოთხჯერ იქნა განადგურებული, რამაც გვაიძულა შეგვეცვალა პროვაიდერი და გადავსულიყავით ახალ ჰოსტინგზე. ამჟამად მიმდინარეობს პორტალის მე-5 რედაქციის მომზადება.

ჩვენს მუდმივ და ახალ მომხმარებელს ბოდიშს ვუხდით დისკომფორტისთვის და      ვარწმუნებთ, რომ 2012 წლის ბოლომდე, შესაძლებლობა მიეცემათ, ჩვენს პორტალზე კვლავ:

Read more...
რედაქტორის სვეტი